هوسات لمولاي امير المومنين ع
بسم حيدر علي الكرار ابو جفوف التجيب الحك
ابدي الشعر والهوسه تحب الحجي الطك ابطك
يالتشكك وما مقتنع بالكرار بالكعبه امه بيه تطلك
اجي وياك .. لا تقتنع .. صعبه عليك
بس شتكول بالمیدان علي چم حلك بيده انشك
ياهو الچان ويه الكفر يوكف يحجي امعلك
وياهو الجان من يغتاض سيفه وكصته تعرك
وياهو الجان من يهد يتيه العد
بين الينزع هدومه
وبين الثوبه بيده اتشوفه يتشكك
اقره بتاريخه وبفعاله
شلون تفر الخياله
خيرهم ينزع سرواله
لو يسمع حيدر جر سيفه
..................
من باب التبرك بسم داحي الباب من نمدح
علي الرايد يوصفه كون يبدي من العدم يشرح
علي غير النبي وربه الوصفه محد اليصلح
ومر الحزن بيّه وبالي بالحسبات ضل يسرح
واسمع وادم ايكولون بيد المرتضى المفتاح
واذا تنخاه كل اهمومك المقفوله تتفتح
وگلت موصح وابد موصح
علي المفتاح ؟ لا موصح
حيدر شله بالمفتاح حيدر بالشدد يقلعها مايفتح
اتنخه وجرب معروفه
بس هوه الينخا ميعوفه
جود المعبود عله جفوف
ومايرجع خالي المد ايده
الفعل حاکم بوكت الكون الزلمه بحجيه ماينقاس
واكو ايجبرك امن افعاله تخلّي تاج فوك الراس
واكو اشما دنكت يمه يزيدك مفخره ونوماس
واكو بيهم الماينباس وبيهم تربته التنباس
وبيهم بس غدر طبعه وبيهم عطره ورد الياس
ودورت الصحف والكتب والانجيل والتورات
ما مرت صفات انسان كلهن بيه بس ابوالد العباس
وايحگلي اتفاخر بالهيبه
.............
يحگلي امن احچی بالكرار ولو اسوالفي قله
وادري المثل داحي الباب المثلي ايوصفه فشله
لچن مو بيدي ياهالناس اسكت هاي مو سهله
علي الاول علي الاخر علي دكتور كل عله
علي الطاهر علي الضاهر علي لابعده لاقبله
علي والمايحب شخصك هذا من الولاده مبينه بي خله
و الحبك طاهر مولده
................
اليحبك طينته من نور مو مثل البشر طينه
وغدأ بس الذي والاك كتابه ايصير بيمينه
واحنه بصايتك مولاي بس انته اللي تحمينه
خل الواله غيرك عود اهناك ايفيده ويعينه
باجر خي فيده
ايضل ايعض بيده
الحيدر ميريده
النار اترحب بأسمه
...............
كون المرجله ديوان الكوسر بس اله ولهله
وكون الزود بالميدان بالميدان حط علّه
علي مُر ذكره للعادا وللوالا عسل واحله
علي موفقط درب الكاع درب السمه يندله
وعلي موبس بشر والاء حته الجن شهد لجله
وعلي يشهد اله الكون بعلمه وهيبته وعدله
بايعنا الشاطر مرحب
.................
ما يحله الحچی والشعر دون احساس
الما يبتدي بحيدر والد العباس
شهامه ومرجله وغيره علي ونوماس
علي ذكره عباده وحبه رفعت راس
واليوم انجمعنه انصيح بين الناس
بايعنا الشاطر مرحب
..............
فحل مامثله يحصل بعد بالشدات
علي الخورس الدنيا بساعت الكلفات
علي السيفه ترس جلد الارض لجمات
علي المالي نبوت كل نبي وكفات
ونضل انكرر على عناد كل شمات
بايعنا الشاطر مرحب
.................
علي اشكد بيه سوالف صعبه نفهمها
اعله كد عقل البشر وكفاته سجلها
خيبر والشمس والرايه وللي صار
هذن يم حيدر الذره استحت منها
الشاعر يعرف اشما يمدح الكرار
ابشعره تراب جدمه ما وصل يمها
لچن یدری ابعلی یحب الفقیر اهوای
ومن الفقره کلشی الچان یقبلها
ــــــــــــــــــــــــــــــــــــــــــــــــــــــــ
يانفس النبي وباب المدينه
بس انته علي حيدر ولينه
تم الدين واتكمل
يا تأويل كل منزل
بيعة يمنتك واجب علينه
======≈=
امر الله للهادي نزل
والدين بالنعمة اكتمل
ياحيْ على خير العمل .. يالتممت كل الرجوله
اوصاف اغلى امن الدرر
ونزلت تزكيك السور
تامر على الشمس وگمر .. (ياكن) من الباري نزوله
…
يل حتى الوحي بسمك تشهد
مامثلك نفس الا محمد
نور الدين والمشعل
يا تأويل كل منزل
بيعة يمنتك واجب علينه
@@@
عشنه بمحبتك يالولي
وهمنه اعله شهدك ينجلي
يامحله چلمة ياعلي .. بلسان من رايد حچاها
اسمك كمال المعرفه
والله ابجلاله شرفه
مشكاة نوره منطفه .. ياسورة الدهر بأتاها
…
باء البسمله ومحكم بيانه
ومن نار الحشر ختمك ضمانه
لغيرك ماختم يقبل
يا تأويل كل منزل
بيعة يمنتك واجب علينه
@@@
بيمينك ايدور الفلك
صاعد ونازل كل ملك
ومن دونك الكون انهلك .. يالدار شمس الله مداره
بالارض انته وبالسمه
وعرش الله اسمك عظمه
يازوج البتوله فاطمه .. يارايت الهادي وفقاره
…
ذوالنورين والفاروق انته
والصديق للهادي بنبوته
شلون لغيرك اتحول
يا تأويل كل منزل
بيعة يمنتك واجب علينه
@@@
يامنتهى كل الفخر
ساويت در اويالحجر
وابحكمك الشعب ازدهر .. ومو عجيبه يابوشبر
كل مرسل انته نجدته
ياللي المعاجز عادته
وبين التبغضه وعبدته .. محبوبك المخلص تقدر
…
خاسر ياعلي بيك المغالي
والنار احرگت ليك المقالي
وينجى الحبك اتحمل
يا تأويل كل منزل
بيعة يمنتك واجب علينه
@@@
موت ويسمونه الحمر
وفقارك اعلان الخطر
صگار والجيش انتشر .. وتعرف الفرسان ويله
عتبه ويَ مرحب وابن ود
والبارزك ميت يرد
يشهد دفاعك في احد .. لافتى الشده الثجيله
…
بالفقار ماعاش الشطرته
بس بن عاص من كشّف عورته
شافك موت واتذلل
يا تأويل كل منزل
بيعة يمنتك واجب علينه
@@@
علي احمد الحمود
٢٥-٧-٢٠٢١
الغدير
بولاية
ــــــــــــــــــــــــــــــــــــــــــــــــــــــــ
🌹 عيد الغدير 🌹
انه بحبك يحيدر امتلك كلشي
والما عنده انته اشيمتلك گلي
املكت وجدان ذمه وغيرة العباس
وملكت الدنيه كلها وبيك متعلي
انه بعين الگلب شفتك يبو الحسنين
جبل راسي بجلال الباري متجلي
يشمس الله وينوره الما يلوحك شوف
لازم من نذكرك عالنبي انصلي
الشاعر اياد الديراوي
بولاية علي
ــــــــــــــــــــــــــــــــــــــــــــــــــــــــ
اليوم كمَّل الله دينـه ــ وبأمر يأمـر نبينــه ــ اينصبـه حيـدر ولينـــه
والأمـــر ربــــانــــي
نـزلت اعله النبي آيـة ــ وبلـغ الهــادي الوصايـه ــ تبعوا حيدر للنهايـه
ربكم النـــادانــــــــي
ـــــ
بالغـديـر النـاس صـارت بالألـوف .. والنبي وﮔفهه بأمر الله المتيـن
حيـدره نصبته والعايـن يشــــوف .. صاح طه ابجفه امير المؤمنين
آنـي للخالق مطيعـه ــ اليوم عيد اليوم بيعــه ــ الامه من بعدي تطيعــه
من اروحـن آنـــــي
والينكره ينكر اسمي ــ واليبغضه ناسي علمـي ــ حيدره دمه اويه دمـي
غيــره ماكو ثانــــي
ـــــ
نـــزلت الآيـه وأمـر كلش خطيــــــر .. لو تبلغ يا نبــي لو تعصـــــه
لازم اتنصب على الامـــه اميـــــــــر .. هذا حيدر والنبي بيَّ وصّـــه
رافع ايده ابعلو مدهه ــ والعيون الكل شهدهه ــ خطبه معروفه ابسندهه
وتسمـع الاذهانـــــي
آنـي من ﭽنت وليــه ــ حيـدره حامي الحميـه ــ بعدي يصبحله وليـــه
اليتبعـه حبَّانــــــــــي
ـــــ
بعـدي حيـدر ناده مـولانـا الرســــول .. يعجز الوصف اليوصف قـدرته
حيدره يسمى أسد فحــل الفحـــــــول .. والعلي ابهذا الولي هد حكمتــه
اهناكه محشر بالقيـامـه ــ ويعلن الله بانتقامــه ــ الخالفه يصبح مقامـه
بالمقام الــدانــــــي
امجرب ابخيبر قتالـــه ــ وبالعلم يطـي الدلالـه ــ ايجاوب اليسأل سؤاله
والعلـــم مو فانــــي
ـــــ
من نـزل حيـدر علـي من نصبــــوه .. التمت الناس وتقبله اتبايعـــــــه
والسمه وكل الملك هم بايعـــــــــوه .. وﭽانت الوادم اذنهه سامعــــــــه
بالغـديـر اطه كلامـه ــ بعدي تبعوهه الامامـه ــ هذا درب الله وحسامه
وناجح التبعانـــــــي
ربي اشهدلي ابوصيتـي ــ آنـي وصيت ابحـﭽيتي ـ صافيه ياربي نيتي
وأنت تـدري الساني
ـــــ
الله يشهـد بالولـي ابيـوم الغـــديـر .. حيـدره اتنصب اميــر الكائنـات
هذا تآريخ وكتب كلمــــة اميــــــر .. بس علي الكرار اسمه بالحيـاة
كلمـن اليسمه بسمه ــ امزور وما عنده ﭽلمه ــ هذا واقـع ما نتهمـــه
يحـﭽـي حـق ميتانـــــــي
اترأس ابحكمة ألاهـه ــ وﭽلمة الهادي رعاهه ــ بس غدر صار ابـﮔفاهه
صابـوا الشرعانــــــــــي
ـــــ
لخادم اهل البيت : كرار الحسينات
مولاي علي علي
مولا علي علي
مولا علي علي .... مولا علي
---*******---
يا ابواتـراب صــرت مجنونك
سيدي اشلون اعـيش ابدونك
انتــه غالي وغـــلات اعيونك
رغــــــم الاحقاد وليكـرهونك
ياابوحسين .... ياضوه العين
سيدي انته الولي
احلــى الاعياد يحيدر عيدك
يلــي رديـت شمسنه بأيديك
خـــالق الكــون أمير ايريدك
ربنه كل يــوم كرامه ايزيدك
ربنه علاك .... حكمته انطاك
انته سيف المعتلي
*
تبقه مــــولاي رمـــز للشيعه
ابنهجـــك انسير وبد منبيعه
واجب امـــرك علينه انطيعه
كل سنه اويـاك نجـــدد بيعه
كلنه نهواك ... نبقه وياك
انته حبنه الاولي
انتــــــــــه أول خليفه اوالـي
تبقـــه للناس حبيب وغـــالي
راسي ضل بيك يحيدر عـالي
يلـي اسمــــــك طبعته أبـالي
عايش اوياي...ساكن احشاي
يالصرت عنوان ألي
الفخر مــولاي طبع يحــلالك
منــك اتغــــار بقــت عــذالك
هذا الاســــــلام شهد بفعالك
وحـنه لليوم نعيش ابجـــالك
عشنه بحماك ... صعبه ننساك
يابعد روحي وهلي
*
الخادم
كامل السعيدي
🌸
بس علي يصلح أمير انبايعه ابيوم الغدير
لا فتـــــى الا علــــــي
*---*******
هل شعـــــــار انردده ابكل احتفال
لا فتـى الا علـي ابســــــوح القتال
الله وحده اختاره من دون الرجال
غيره مانقبل ولــــي وهــذه محال
حبنه منذا الأزلي
لا فتــى الا علـي
****---********
انبايعه ونجــــــدد اويــاه العهد
ايبايع اويــانه نزل طيــر السعد
امبشر ابهـاي الولايه امـن المهد
تاجه نور وصايغه الواحـد احـد
مايصح غيره ولي
لا فتـــى الا علـي
****--********
ابضربت الكـرار دين الله استقام
والله لوماحيــدر انعيش ابضلام
فضله عل اســلام تشهده الانام
حدر ضل اولايته انعيش ابسلام
بسمه كل شر ينجلي
لا فتـــــى الا علــــي
*--*********
منهو غيره ألي طبر عمر ابن اود
علي يامــر عالشمس بيـده وترد
ذل آميــه ابوگفته ابغزوت أحــد
علي للاســــلام تاريـــخ ومجــد
يشهد الرب العلي
لا فتــى الاعلي
عايش غديرك بيه
مثل الصلا يوميه
ياذهب ماذهب عن بالي
ـ*********************ـ
بعيوني ارسمك.. يحييني نسمك
عاجبني اسمك.. علي
انته غرامي.. ومصدر هيامي
وصورة منامي.. علي
قانون الحب بلكيف اتريد اتحب لولا
لاكن بس حبك يا حيدر واجب شفنا
حبيــــــناك ونلهـــج بسمك قبل الاما
انته الهوه الشميته
حبك فرض صليته
ياذهب ماذهب عن بالي
ـ*********************ـ
ضامي واجيتك .. زمزم لگيتك
علاني صيتك.. علي
غيرك تراني .. ماعندي ثاني
مجنونك آني . علي
مولاي الما عاش ابضلك حتماً غلطان
شيطان الضـدك والحبك فعلاً سلطان
چا ياهو الغيرك يلگونه ايحبه القرأن
كل آيه باسمك تذكر
انه اعطيناك الكوثر
ياذهب ماذهب عن بالي
ـ*********************ـ
يشهد ظميري .. انته اميري
بيدك مصيري .. علي
انطاك الله رايه.. ابعيد الولايه
انته الهدايه.. علي
ابتنصيبك كض چفك طه ابچفه وعلا
من كنتُ مولا فاليعلم حيدر مولا
وبايعناك احنه وكل واحد وقع بدما
بايعتك اوآليتك
لب الگلب سميتك
ياذهب ماذهب عن بالي
ـ********************ـ
ما دوريتك .. بگليبي بيتك
بالدم قريتك.. علي
ابنهجك مضينه.. انته السفينه
نشهد ولينه.. علي
بعد أحمد انته اول قائد حق بايعناه
المثلك لو دورنه العالم نعجز نلگاه
قرأن وناطق ياحيدر بحروف الله
ذكرك عباده واكثر
كلمن ينكرك يعثر
ياذهب ماذهب عن بالي
ـ*********************ـ
حبك تجاره .. مابي خساره
يابو الغياره.. علي
من لذت ايدك.. تسگيني اريدك
ضمني العبيدك ..علي
حبيتك وانه اعرف كلمن حبك ينهاب
ربحان ويدخل للجنه ابلا دگت باب
العيدك نتهيأ كل عام ونحسبله حساب
حبك ملك وجداني
يااغله كل خلاني
ماذهب ياذهب عن بالي
✍كامل السعيدي
ــــــــــــــــــــــــــــــــــــــــــــــــــــــــ
يگولون الورد اجمل هديه ايكون
اذا رايـد يقـــدمه العاشـگ الخله
بس آنه ابغـديرك اختلف مــولاي
اقـدم عمري الك يا باالحسن كله
وبايعتك انته اول ولي
واشهد احبـــك يا علي
بس بيك گلبي مختلي
يمولاي
الشاعر كامل السعيدي
هوسات لعيد الغدير
&&&&&&
منو مثلك يحيدر هالمنازل حاز
كل يوم والك يابو الحسن انجاز
شنعد ونسولف والله عنك جاز
يااول انت وتاليها
&&&&&&
مثل عيد الغدير وولاتصير اعياد
يومن بايعك طه على الاشهاد
ومن صرت الامير وزادت الاحقاد
غصبن عالضدك واليهم
&&&&&&
علي وانت العلي والباري القرر
وبلغهه الرسول او وثق المصدر
من بعدي علي هو الذي اتصدر
الوالاني يواليه لحيدر
&&&&&&
هنوه الصحابه واحد بعد واحد
هنيالك علي انت اصبحت قائد
غصبن عاليضد والراضي و الحاقد
مد ايدك حيدر والينه
&&&&&&&
خادم خدام الحسين عليه السلام
أبو ايادالبيجاوي
ــــــــــــــــــــــــــــــــــــــــــــــــــــــــ
قصيده لأمير المؤمنين وسيد الوصيين عليه السلام بمناسبة عيد الغدير الاغر
&&&&&
ياعلي ياعلي
جينه نبايع عالعهد
ياعلي ياعلي
مانخلف وياك الوعد
ياعلي ياعلي
&&&&&&ى
ياعلي مولاي بإصلاب الرجال
ياعلي والروح وي حبك سجال
نردداسمك مانعوفك لا محال
انت نور الله معروف الخصال
ياعلي ياعلي
لامانعوفك للابد
ياعلي ياعلي
انت انت المعتمد
ياعلي ياعلي
&&&&&&&
ياعلي التنصيب من رب العباد
وكف الحجاج بالأرض بالحماد
وشهد الاملاك والسبعه الشداد
مدري هاي الناس صايبهه العناد
ياعلي ياعلي
ياامير المؤمنين
ياعلي ياعلي
ياامام المتقين
ياعلي ياعلي
&&&&&&&
فدوه لاسمك ياعلي كلنه نروح
وخلهه كلهه من اجلك تروح
لجلك انت سيدي تحله الجروح
منك عطور الولايه هالتفوح
ياعلي ياعلي
ياشفيع المذنبين
ياعلي ياعلي
يملاذ الخائفين
ياعلي ياعلي
&&&&&&&
ياعلي وانطاك ربك منزله
ياعلي واحتار ندك يوصله
شخصك الاجيال كلهه اتقبله
نغمه اسمك كل وليد يرتله
ياعلي ياعلي
داخل بكل قوتك
ياعلي ياعلي
ياهو يعرف غايتك
ياعلي ياعلي
&&&&&&&
ياعلي وياك نبقه للابد
ياعلي حبك يفوق اعله الشهد
فدوه كلهه تروح والد والولد
وامه والجيران والهسه انولد
ياعلي ياعلي
انت شاهد عالامر
ياعلي ياعلي
كلهه لعيونك تمر
ياعلي ياعلي
&&&&&&&
خاتمه
واحنه بايعناك
كل العمر وياك
حيدر نريد احماك
يابو الحسن نرجاك
ياعلي ياعلي
ياعلي ياعلي
&&&&&&&
خادم خدام الحسين عليه السلام
ابواياد البيجاوي
ــــــــــــــــــــــــــــــــــــــــــــــــــــــــ
موال وابو ذيات للامير عليه السلام
&&&&&&
من عرج سيد الرسل رب العرش بلغــه
بياصيغــه لازم يتـم يالهجـه بي يا لغـــه
حيدر اميـر الملـه وهـــــذا الامـــر بلغــه
هاليـوم لازم يتم تنفيــذه حتمــــــاً وجب
والهــادي يوم الوعد ناداه يمـــــه وچب
لــن هـذا حيدر علي لارجف گلــبه وجب
وضرباتــه يوم الحرب كلهه اظـن بالغه
*
الگلب بايـع والك انطــــه بيانــه
ولعـد غيرك فلايهــــــــوه بيانــه
يمــن حبــك طبـــع صايــر بيانــه
يبــو الحسنين ياحامي الحميه
***
يـاهـو أبـدال طـه الچـان بايات
وياهـو انـذكــر بالقـرآن بايات
وياهو اللي صعـد للنجــم بايات
اكو غير المرتضى وحامي الحميه
&&&&&&
العيشه بغيـرأبـو الحمـلـه متراد
وعـن حبـه متـى اتراجـع متراد
الشيعي هنـاك يم گــبـره مترد
ويحضر غربته بذيچ المسيه
&&&&&&
بغـيرك يـاعلي گــلــــي منــحنه
ونـظـل عـالين وبجـالك منـحنـه
لجـلـك خـالقـك هـــو منحنــه
فـخـر شـلـنـاه اسم الجعفريه
&&&&&
منـار الكــــون اسمك ظل علينه
يـبـو الحسنين فـيـــك ظل علينه
الـو لايـه وجود حبك ظل علينه
نريد وياك ياحامي الحميه
&&&&&
خادم الحسين ع
الحاج ابو إياد البيجاوي
ـــــــــــــــــ ❁ ❁ ❁ ــــــــــــــــــ
شــال ايــده الـرسول وبـاوع بـعينـاه
وگــال الـدين تــم ووضـحت مــعنـاه
حـيدر گــال بــعدي الـباري مـن خـلاه
نــزل صـك الــولايــه مـوقع بــيـمـناه
هـتف طــه وســمـع كل واحـد بـأذنـاه
الأسـد حيدر عـلي وفـن واحد اليدناه
اذا طــب الـحرب يرعبــهــم بـممشـاه
مـايــحـتاج اســولـف والـعلم عند الله
نــزل جــبريــل بــلــغ والــخـبــر وداه
ورفـع ايــدك نبيــنه ولامـست بــسماه
گــلهم هــذا حيــدر فــضله مـا ننــساه
هــذا الـمن يـدور الـحگ يــدور ويــاه
جـنت مـولاكـم انــه والــجـنت مــولاه
يــحط حـيدر خـلـيفه وغـيره مايـعلاه
الأول تــبــقـــه الأول ..
الـرابـع گــالو لا والله
يـدور ويــه الحگ حيدر ..
وحتـه الحگ يــدور وياه
ـــــــــــــــــ ❁ ❁ ❁ ــــــــــــــــــ
الـــچـــان يـــؤمـــن بــالــكــتـــاب
وچـــــــان يــــؤمــن بــاالــرســول
لــيــش يـــنــكــر حــگ عـلــيــنــه
ولـــيــش يــهــجــم عــاالــبــتــول
الـــشـــاهــدو يـــوم الــــغـــديـــر
شـــــــاهــدو حـــكــــم الــــنـــزول
الـــيـــنـــكــر حـــچـــايـــة نـــبــيه
عـــنـــــه مــــــا ادري شــــأكـــــول
الـــيـــكره الــــكرار حــــيــــــــدر
لا فــــصل عـــــنـــــده وأصــــــول
بـــــگـــلبــــهــم حـــقــه واضـــــح
والــحـــقــــد اعــــمه الـــعـــقـــول
طــــه الــيــرفــــــع ايـــــــدك
راد بـــچــفه يلـــوح الــغـيــم
🌸🌺🌸🌺🌸🌺🌸🌺🌸
مبارك لنا ولكم عيد الله الأكبر
🌹🌹🌹🌹🌹🌹🌹🌹🌹
✍🏻 #الشاعر_عباس_فاضل_الشمري
#هـــوســـــه
🌼اكتمل دين بارينه وتمت النعمه
بولاية علي والد الائمه🌼
ــــــــــــــــــــــــــــــــــــــــــــــــــــــــ
ـــــــــــــــــ ❁ ❁ ❁ ــــــــــــــــــ
عيـد وبـالسمـه مـاشفنـه لـهلال
والشاهد علي چف ايـده ينشال
ويدرون النبي عـن حيدر شگال
مـاغيـرك ولـي متهـمنـه الانـذال
عاشو بالچذب بس حبله ماطال
مريـود الذهـب متقيمه الاشكال
حيدر مو نبي وعنه النبي شگال
هواي من الرسل سابقهم افضال
عيسى وموسى وادم ناخذامثال
ويه الحق علي ومن عنده مامال
شيلـة چفـك صارت ✋
هي هلال بهذا العيد 🌙
✍️ كلمات
عباس فاضل الشمري
■■■■■■■■■■■■■
حكهه تتباهه الارض تنثر مسره
حكهه تسجدله الشمس للتمشي بامره
علي مولانه صُبح و شكبره قدره
والبغض حيدر يموت يكتله قهره
بالسمه الطير اليطير
غرد بعيد الغدير
علي مولاي امير ... علي مولاي امير
■■■■■■■■■■■■■
الي مايسوه الذكر ماريد اذكره
الركض صوب الخلافه راد شُهره
ياهو أوله لو نسئله شنهو عذره
وغير حيدر مانود ولا نغيره
ويا علي مالك نضير
ياهو كال انت الاخير
علي مولاي امير .... علي مولاي امير
■■■■■■■■■■■■■
بنورك انت ياعلي اسنيني كمره
وبمماتي سيدي ادروبي خضره
انه مولاي اعترف ماوافي قطره
انت البحر البي دُرر يا أغله دُره
انت نورت الضمير
حاضر لكلمن يحير
علي مولاي امير .... علي مولاي امير
■■■■■■■■■■■■■
غالب يطب الحرب وبسيفه نصره
للشدايد يعتني و الحومه ادره
كرار حيدر من يُكر أيسوي ثوره
لمن يغير وينتخي مكشوف صدره
علي وجهه مايدير
يهجم ويعلن نفير
علي مولاي امير ..... علي مولاي امير
■■■■■■■■■■■■■
ميزان يحكم بالعدل والوده يقره
ينظر مكارم سيدي متفوته شعره
مجنون بيه وهمت وبگلبي حضره
واتمنه انه لو متت يم گبري گبره
وي علي صار المصير
وما خفت انه السعير
علي مولاي امير ....علي مولاي امير
■■■■■■■■■■■■■
الشاعر : حيدر العمار الخزعلي
.
نور الجلاله*
نور الجلاله بدر الولي// چف العداله حيدر علي
اليودّك ألله و الهادي و جمـــيع ٱملاكه
يعــدّك نفس ابوالزهره وجمال ٱفلاكه
حيدره نفس الرســــول/ ألله خط بكتابه
وانفتح لك بابه
حُبّك انت من الاصول/واضحات اسبابه
شوف ألله اشنطاك و ٱرفـــــع مستواك
ما بين المـــلا شخصك عله
و الجنّه تتمنّاك
حبّك جنانه روح الهده/ يا ضي سمانه و المقتده
اليضدّك طاح و الحَــــبّك رفعــته اهناكه
يعــــدّك نفس ابوالزهره و جمال افلاكه
آيه إنت ابكل زمان/ حي تظل يا حيدر بالشدايد تحضر
للمحب شخصك أمان/بالگبر و المحشر
كالنجمه ابسماه تتنفس هـــــواه
يا ذاك الضوه لا مــــــو سوه
الضّدك والهواك
تبگه انت عالي / ابراس السمه
تضوي الليالي/ حامي الحمه
تمجـدك سورة الطــــــــور و رمز لولاكه
يعـــدّك نفس ابوالزهره و جمال افلاكه
اليعرفك ما يحير/ محتواك الكوثر
للفضائل مظهر
انت بالمصحف أمير/ و انت يا موت الشر
عتبارك يظل واغيومه اتهطل
يا اشرف نفس وجه الشمس
والبيرغ ابيمناك
أحسك ضياها طـــــول الدهر
و اسمك نباها يا ابوالفخــــــر
يسندك الله بٱجنــــــوده و عزم غذّاكه
يعـــدّك نفس ابوالزهره و جمال ٱفلاكه
نطقك آيات الكتاب يا دليل الـــــعالم
يا وصـــي الخاتم
للعلم بس ٱنته باب يا كـــــــرامة آدم
عنبــــــر جنّته نوره و هيــبته
يا حيدر شرف شخصـك غرف
والطيبه ابسماك
مجـــدك يغالي فـوگ العرش
ماني مُغــــالي لا منــــدهش
اليردّك خاب و الطاهـــــر قَسم يهواكه
يعــدّك نفس ابوالزهره و جمال ٱفلاكه
ضامري محتار بيك يا صـــــهر هاديها
و الخلگ مهديها
و الشمس تزحف تجيك چفّك امعلّيها
سيلك ينحِدُر يا نور البـــــدر
ينبوع العُله و المــــــرجله
و المصحف قراك
تاريخ الحضاره يا بالحـــسن
صيتك مـــناره في كل زمــن
يگصدك گلبي و الدنيا ٱعـتقـَد بحــماكه
يعـــدّك نفس ابوالزهره و جمال ٱفلاكه
الله خلّالك مـــكان يا علـي بٱجنانه
و لقّنك قرآنه
للذي ٱيواليك ٱمان و انت سـرّ ايمانه
ألله ٱمشرّفك بالحق وصّفك
يا نبع الحِكَم كـــلّك قِيَم
والباري ٱجتباك
معنىٰ الثقافه شخصك يسد
ليك الخـلافه بٱكمـــــل سند
يحسدك خصمك و يدري العدل معناكه
يعــــدّك نفس ابوالزهره و جمال ٱفلاكه
ملاغلام ابومحمد
البوغبيم
يرافظ يرافظ خلي عينك عليه
اميري اميري علي خير البريه
┄┉❈❥ًً❀🌸(❀❥❈┉┄
يسبح كياني بأسمه يلهج لساني
وحگ أمي فاطم ما لحظه نساني
دركني بالثگال من دهري رماني
سلامي سلامي الدوحة الله العليه
سلامي سلامي الدوحة الله العليه
┄┉❈❥ًً❀🌸(❀❥❈┉┄
مساحات الاحباب مزروعه موده
علي حبل الايمان للمؤمن يشده
دعائي بصلاتي ربي عمري تهده
بهيامه بهيامه لو أشرك قضيه
بهيامه بهيامه لو أشرك قضيه
┄┉❈❥ًً❀🌸(❀❥❈┉┄
محاسن وجوده مخلوقه بوجودي
أنه لوله حيدر ما عايش عقودي
غداً ليلة الموت مرتاح برقودي
يروحي يروحي متهمني المنيه
يروحي يروحي متهمني المنيه
┄┉❈❥ًً❀🌸(❀❥❈┉┄
يعالم عشگته وجنني بحروفه
علي كعبة الله كل مخلص يطوفه
سبيلي ونجاتي وسلطاني الأشوفه
اليحبه اليحبه يعلى فوگ الثريه
اليحبه اليحبه يعلى فوگ الثريه
┄┉❈❥ًً❀🌸(❀❥❈┉┄
تبشر نبينه بتنصيبه علينه
نتيه بحروفه والله مو بدينه
أمير السماوات ربان السفينه