أمي عمرها اثمن طعش
مايرهـم أوياها النعش
ياموت عوف ام المحنه * ماريدك اتطشر شملنه
----------------------
تره اخلاف الحنينه البيت مايحله
تهد الحيل صعبه الـفـرگه موسهـله
اشوف الـفـاگد أمـه يعيش بالـذلـه
مـدري اشلـون دربـه ايگوم يـندله
يحتار كلمن يفگد أمه * ويشوف داره اتصير ضلمه
هاي الحنينه هاي الحنينه
------------------------
صعب هذا لأمر والخالق السبعه
رحيل الأم يخَِـلف بالـگلب لسعه
تشوف البيت مظلم فاگد الشمعه
تضل طول العمر ماتنشف الدمعته
يرتاح من ياضيم گلبه * شالت الچانت ضوه ابدربه
هايلحنينه هايلحنينه
-----------------------
مانحمل هجر من الهجر كافي
ييمه البيت صار بغيبتچ طافي
مشتاقين نسمع صوتچ الخافي
ولانناسچ يلطبعچ ذهب صافي
مثلچ ييمه اشلون نلگه * واليبچي طول الليل حگه
هايلحنينه هايلحنينه
---------------------
صار الليل مثل السيف يذبحني
افز من نومتي ولگه الظهر محني
چنت ورگت شجر والحزن طيحني
ريح الهاب من يفوت يجرحني
بثيابهه اشتم عطرها * امي ضوه اعيوني ونظرها
هايلحنينه هايلحنينه
---------------------
ييمه اتحيرت شفتچ صعب وضعچ
دم خـدچ نزل مخلوط وي دمعچ
بين الباب والحايط شفت ظلـعچ
صوتچ مـاظهـر والجـار مـاسمعچ
ماتت ولا واحد سمعهه * اتأشر عله خدهه وضلعهه
هاي الحنينه هاي الحنينه
----------------------
الشاعر فاخرالشبيبي